الاثنين، 22 يونيو 2009

... صافِرة الوطن ...

صافِرةُ الوطن


لي في عيونِكِ دمعةٌ
ومغامرة

وطفولةٌ نيليةٌ
ومشاجرة

وبذورُ أحلامٍ
تَحنّ فروعُها لجناحٍ عصفورٍ
يسابقُ طائرة

لي أن أسيرَ وراءَ ظلِّكِ
آمِلاً كجميعِ مَن ساروا
وراءَ مظاهرة

كجميعِ مَن هتفوا لفوزِ فريقِهم
وقد استدارَ الكلُّ حولَ الساحرة

يا حرةَ الأزمانِ
كيفَ لشاعرٍ ألاّ يراكِ لديهِ
أصدقَ شاعرة

يا مَن اذا ابتسمَت
أتوهُ بفرحةٍ
ويُهَزُّ في عينَيَّ برجُ القاهرة

إني لمحتُكِ في عيونِ مسافرٍ
مازالَ يصفعُهُ حنينُ الذاكرة

وهناكَ في المقهى
رأيتُكِ دائِماً
تتناولينَ الشاىَ عندَ العاشرة

أنتِ التآلفُ بينَ نردَيْ لاعبٍ
وصراخُنا بالفوزِ
عندَ الصافرة

أهوى ازدِحامَكِ
والوجوهُ بسيطةٌ
فأظلُّ أقرأُ في العيونِ عباقِرة

قد علموا الأيامَ عندَ بكائها
أنَّ السعادةَ
في الدموعِ الطاهرة

يا مصرُ فلسفةً
ومصرُ حكايةً
لكِ نكهةٌ دونَ البقيةِ
نادرة

مازلتُ أخشى من وداعِكِ طعنةً
فأسيرُ دونَكِ
للحياةِ الاخرة

هناك 27 تعليقًا:

حلم بيعافر يقول...

كلامك تحس فيه ان مش واحد بس اللى كاتبه
كلام جميل وصور اجمل
تسلم يا محمد على القصيدة دى

Soul.o0o.Whisper يقول...

تااااااااااااااااانى تعلييييييييييييق

و شكلك خلصت امتحانات تقريبا
فمبروك عليك

ثانيا
القصيدة فى قمة الروعة بجد
بجد حسيت بكل كلمة فيها

مصرى
مصرى صميم يعنى


ربنا يبارك لك يارب
و دمت مبدع

محمد عبدالرحمن شحاته يقول...

دمت مبدعاً يامحمد فكري
لي ان كتبت احدق في احرف الكلمات لأرى جمالها متراصه بجوار بعضها لتكون قصيدة أجمل بها
تقبل مروري

aidy يقول...

طبعا قصيدة مش محتاجة رأيى

بجد جميلة جدا

وبرغم بساطتها فيها عمق غريب

وتصويرات الواحد يحسها مشاهد حية فعلا كلنا بنشوفها

تحياتى ليك

ودمت دائما مبدع

د. محمد رضــــا .. هل تراني يقول...

محمد

القصيدة وجبة ادبية جميلة جدا

حقيقي عاشت افكارك الساحرة

تحياتي ليك

اسماء جمعه بنت الشمس يقول...

بدون مجامله وكالعاده مبدع يا محمد
سلمت يداك
بس حاسه انك متأثر قوى بالماتشات اللى فاتت
بس هقولك معانيك قويه فيها لون مصرى صعب تحسه فى كلمات شخص اخر
بجد تسلم ايديك يا بابا

كاتب مصري يقول...

بحق ربنا أبدعت فعلا
رقم واحد لإنك فنان وخطير قوي في انتقاء ألفاظك ونظم قصائدك وده مش جديد عليك ربنا يحرسك ويحميك
التنية باه لإنك كتبت في حب مصر وانا بعشق مصر بكل ما فيها
ربنا يكرمك يارب
خالص تحياتي
وبفكرك بكلامنا عن المجلة
يارب تقدر
سلام

محمد فكري يقول...

حلم بيعافر
..........
شكراً ليك على رأيك.
وأسعدني مرورك :

تحياتي

محمد فكري يقول...

Soul.o0o.Whisper
.................
اه خلصت امتحانات الحمد لله عقبال الجمييع :)
..
سعيد بوجودك دايما :)
وسعيد برأيك في النصّ
..

تحياتي

محمد فكري يقول...

محمد عبدالرحمن شحاتة
...................
أهلاً بيك في المدونة
..
شرفتني
:)

محمد فكري يقول...

aidy
....
ازيك يا نهاد :)
منوراني والله
..
شكراً لاهتمامك الدائم ..

تحياتي :)

محمد فكري يقول...

د.محمد رضا
.........
أهلاً بيك يا دكتور.. :)
سعيد بمرورك

تحياتي :)

محمد فكري يقول...

أسماء جمعة
........
ازيك يا اسملء...أ نشاء الله تكوني بخير
..
سعيد بوجودك ورأيك

محمد فكري يقول...

كاتب مصري
.........
شكراً ليك على وجودك الدائم وكلامك الجميل
..
وبالنسبة لموضوع المجلة ان شاء الله
فـ ربنا يقدم اللي فيه الخير :)

..
تحياتي

نهر الحب يقول...

اول زيارة بس بجد
كلامك ومدونتك قمة فى الجمال والذوق
والابداع
تحياتى لك

د. إيمان مكاوي.. أم البنين يقول...

أبدعت أستاذ محمد
جعلتني أشعر بالوطن في غربتي
تحياتي لقلمك

حنان سعيد يقول...

كما اعتدت من كلماتك فهي دائما رائعه

..........
يا مَن اذا ابتسمَت
أتوهُ بفرحةٍ
ويُهَزُّ في عينَيَّ برجُ القاهرة

إني لمحتُكِ في عيونِ مسافرٍ
مازالَ يصفعُهُ حنينُ الذاكرة


ما اجمل كلماتك وتعبيراتك
اعجبنتي كثيرا تلك االكلمات
ربما لقربها لاحساسي
انا حقا اعشق مصر بلدي
وكلماتك احيت بي عشقي لها

تحياتي لك

zOzO يقول...

يهز في عيني برج القاهره


برج القاهره مرا واحده
ههههههههههههههه

كلماتك حلوه اوي يا محمد
تسلم ايديك بجد
احساسك عالي كالعاده
وكلمات احلي
ومعاني اعمق


فينك بقالك فتره
غايب يعني ؟
ههههههههههههههه

Hossam يقول...

Hello
سبحان الله على الموهبة اللى ربنا مهالك
انا بجد دلوقتى حاسس جسمى بيقشعر كلامك عن مصر حلو اوى خصوصا انى مسافر فريب حسييت اوى بالطعنة اللى اتكلمت عليها
اسلبوك فى التشبيه عن شاى العاشرة وبرج القاهرة اكثر من رائع
انا بجد مبسوط انى عرفت مدونتك واتمنى نكون اصدقاء بجد
شكرا طبعا على دخولك عندى والتعليق الللى حضرتك سبته
تحية لك

Hossam يقول...

صديقى الجميل الوطنى جدا محمد
وحشتنى بجد
القصيدة طبعا تحفة زى بقيت القصايد بس للاسف انا معرفش يعنى ايه صافرة
انت بجد بتحسسنى ان لسة فى ناس بتعشق مصر من قلبها وانشالله تعملها حاجة
اتمنى نكون اصدقاء بجد
تحياتى

۩۝۩ Dr. Flavio ۩۝۩ يقول...

ما أحلى تناولك للموضوع بهذا الجمال المتناهي الذي يقارب بساطة رجل الشارع المصري فيدنو من فلسفة العظماء

شكرا لك

محمد فكري يقول...

نهر الحب
......
أهلا بيكي في المدونة..حقيقي شرفني وجودك
..
واـمنى مزيد من التواصل هنا..
تحياتي

محمد فكري يقول...

د. إيمان مكاوي.. أم البنين
..........................
أهلا بحضرتك
سعيد إن النصّ لمس وتر الصدق والإحساس بالوطن لديك
..
تحياتي

محمد فكري يقول...

حنان سعيد
..........
كالعادة أنتظر مروركِ المميز والذي يعكس مدى القدر على اقتناص الكلمة الجيدة
..
تحياتي :)

محمد فكري يقول...

zOzO
....
ازيك يا زوزو أخبارك ايه
..
ميرسي على وجودك وإعجابك بالنصّ

اه انا مختفي شويتين انا عارف ومقصر في حقكو جميعا والله حتى في الردود...بس ربنا يكرم وارجع تاني
..
وانتي على فكرة بردو مختفية :)
فينك كده

محمد فكري يقول...

Hossam
.......
أهلا بيك صديقي الجديد :)
سعيد بكل ما كتبته تجاه النصّ وتجاهي
وسعيد بمرورك :)

بالنسبة لكلمة (صافرة) فهي الاداة التي تكون في يد الحكم في ملعب الكرة او أي ملعب رياضي اخر...والفكرة هنا في إحالة هذا اللفظ مع الوطن للإسقاط على معنى جديد :)
..
أتمنى تكون وصلت
..
كما تسعدني صداقة جديدة :)
تحياتي

محمد فكري يقول...

۩۝۩ Dr. Flavio ۩۝۩
.....................
شكرا ليك على هذا الوصف الجميل المتقن
..
تحياتي لمرورك :)