الخميس، 19 فبراير 2009

الدهب غالي


الدهب غالي


تاني موضوع ليا بالعامية في المدونة..

الأول كان موضوع (أهلاً بيا) اللي كان بداية تعارف بيني

وبين التدوين والمدونين


النهاردة أنا جاي أقوللكو إني بحمد الله حصلت على المركز الأول

على مستوى الجامعات المصرية في مسابقة الشعر الفصيح

المقامة ضمن أنشطة أسبوع شباب الجامعات المصرية التاسع


فلازم الفرحة تكون بالمصري...وبالعامية :)
..


أنا بس حابب أضيف إن المسابقة ما كانتش سهلة أبداً

وكان فيه منافسة شرسة بين شعراء كتير مبدعين


وعلى فكرة أنا شايف بكل أمانة إن فيه جيل من الشباب

طالع هايكسر الدنيا في كل المجالات..مش الشعر بس


أجمل ما كان في الأسبوع هوه التواصل بين أبناء جامعات مختلفة

بنقل ثقافات متنوعة ضمن إطار موحد
..


والأجمل كان وجود الشاعر الأسمر الجميل أحمد بخيت في لجنة التحكيم

وقضائه معانا يوم كامل نسمعه ويسمعنا
..


طبعاً ما يفوتنيش إني أهني صديق العزيز جداً وزميلي

الشاعر/عمرو حسن


عمرو حصل على الدهبية في العامية

وحقيقي كان رائع بشهادة الجميع


في النهاية عايز أقول لأي إنسان راسم مشوار نجاح ليه

إنه هايتعب وعلى أد تعبه هايلاقي


وكل مرحلة سنية وإبداعية مختلفة عن اللي قبلها

لكن مهم يكون فيها زيادة من الخبرة والإتقان

..



من نجاح لنجاح لينا جميعاً ان شاء الله :)

هناك 23 تعليقًا:

ghorBty يقول...

ما شاء الله

ربنا يوفقكم ويرزقكم الخير الكثير

اكثر شئ يشعرني بالسعاده ان اري شخص حقق نجاح في شئ بيحبه

وفعلا طريق النجاح محتاج صبر وكله تعب بس كل التعب يذهب عندما تجني ثماره

دمتم بخير وان شاء الله تنورنا بزيارتكم

غربتي

كيــــــــــــارا يقول...

الف الف الف مبروووووووووووووك

عااااااااااااااااااا غربتي اخدت اول تعليق عااااااااااااااااا

زحلانه هه بس

aidy يقول...

انا قريتلك كذا قصيدة قبل ما أعلق هنا

بجد انت موهوب وكتاباتك جميلة بمعنى الكلمة

عجبتنى بجد ودى اول زيارة ليا هنا

بس ان شاء الله مش هتكون الاخيرة

لأن مدونتك من ارقى المدونات اللى قراتها ...


بالتوفيق ,,

حنان سعيد يقول...

الف الف الف مليون مبروك يا محمد
وباذن الله من نجاح لنجاح ديما
تحياتي لك

MaNoO يقول...

انت قلتلى انك مش بتحب الثناء الكتير دا بس بجد انت لازم تعرف انك تستحق دا وأكتر كمان لأنك فعلا موهوب وهتوصل ان شاء الله للى انت عايزه وربنا معاك دايما الذهبية والماسية كمان

dodda يقول...

ما شاء الله
ربنا يكتر من الدهب

الف مبروك

محمد فكري يقول...

ghorBty
.......
أهلاً بيكي وبكلماتك الجميلة :)
شرفتيني..وان شاء الله أزور مدونتك قريب :)

محمد فكري يقول...

كيارا
.....
يا هلا يا هلا :)

الله يبارك فيكي يا كيارا وميرسي ع الحفلة الكبيرة اللي عملتيهالي في المدونة :)

محمد فكري يقول...

aidy
....
مش عارف أقول إيه بعد كلامك ده :)
بس حقيقي ده شيء يسعدني ويخليني أطمح دايماً لمزيد من الكتابات المؤثرة :)
..
مستني زيارتك دايما :)

محمد فكري يقول...

حنان سعيد
.........
الله يبارك فيكي يا حنان :)
فينك من زمان كده :)
أسعدتني زيارتك

محمد فكري يقول...

MaNoO
.....
ازيك يا فودة :)
المدونة نورت بوجودك يا جميل :)

بالنسبة للثناءات والكلام ده فـ الحمد لله .. لأنه ده كله فضل من ربنا وأتمنى إني أقدم دايماً أعمال ترقى لذائقتكم المميزة :)
.
مستنيك دايما يا جميل :)

محمد فكري يقول...

dodda
.....
الله يبارك فيكي يارب ويحفظك :)
..

عمرو حسن يقول...

شكراً يافكري علي اضافتك ليا والمخاطرة بسمعة مدونتك بشاعر فاشل زيي
ع العموم انا فرحان بوجودي وبوجودك وبالجيل اللي خلوني اتصدره مع ان فيه افضل مني
شكراً ياصاحبي

غروب يقول...

الف مبروك يا محمد تستاهلها طبعا

ومبروك لعمرو كمان وعقبال منشوفكوا من كبار كبار الشعراء

ساره

بسمـــة مســـــلّم يقول...

السلام عليكم مش حقول مبرووووووووووووووووك بس لا حقول تسلم على الحماسة اللى غطت حروف البوست بجد تسلم كتير وكل انسان عنده عزيمة وهدف واكيد منتظرة تعليقك سلاااام

ايوشة يقول...

ربنا يوفقك دايما والف مبروك ومعلش انها متاخرة

حاجات جوايا يقول...

الف مبرو الذهبية اخى الفاضل
وفقك الله دائما
ومن نجاح إلى نجاح بإذن الله

دمت فى حفظ الله
سالى

محمد فكري يقول...

عمرو حسن
........
فاشل إيه يا مفتري :D

لو الفشل كده..فـ ما أحلى الفشل :D
..
انت شاعر مهم جداً الفترة الجاية...وده مش كلامي لوحدي..ده كلام طبقة مثقفة بالكامل..
..
واحشني يا صديقي

محمد فكري يقول...

غروب
....
شكراً يا سارة على زيارتك وتهنئتك
..
ربنا يبارك فيكي يارب :)

محمد فكري يقول...

بسمة مسلم
.........
وعليكم السلام :)

شكراً يا بسمة على وجودك هنا..
نورتيني..ويسعدني التواصل..
..

محمد فكري يقول...

ايوشة
.....
الله يبارك فيكي يارب..
ولا متأخرة ولا حاجة :)
شرفتيني بجد...

محمد فكري يقول...

حاجات جوايا
...........
الله يبارك فيكي ويوفقك :)
شكراً على وجودك واهتمامك :)

Rising يقول...

بجد كانت أسبوع أكتر من رائع
افتكرته لما شفت الصور عندك
سلام يا صديقي